МХД правяла ў Віцебску акцыю салідарнасці з Андрэем Гайдуковым (фота)
Маладыя хрысціянскія дэмакраты выказалі сваю падтрымку дэмакратычнаму актывісту, абвінавачанаму ў здрадзе дзяржаве.
Падчас акцыі ў двух раёнах і ў цэнтры Віцебска (побач з абласным судом, дзе праходзіць працэс над Гайдуковым) былі расклееныя ўлёткі супраць судовага працэсу.
Гэтымі ўлёткамі актывісты МХД хацелі паказаць, што беларусаў прымушаюць не думаць аб тым, што адбываецца вакол, і забараняюць абмяркоўваць гэта, у адваротным выпадку — людзям таксама пагражае стаць "шпіёнамі" і "здраднікамі", як Андрэй Гайдукоў, інфармуе прэс-служба БХД.