Максім Мірны не трапіў у фінал турніру ў Вене

Беларускі тэнісіст Максім Мірны не змог прабіцца ў фінал парнага разраду на турніры ў Вене. У паўфінальным матчы ён разам з італьянцам Фабіа Фаніні прайграў брытанцу Джэймі Марэю і аўстралійцу Джону Пірсу — 2:6, 3:6.

У папярэдніх раундаў беларуска-італьянскі тэнісны тандэм выйграваў у Раджыва Рама (ЗША) і Радэка Штэпанека (Чэхія), а таксама ў аўстрыйска-канадскага дуэта — Джуліяна Ноўла і Дэніэла Нестара.

Фота: tennis.by