Мадонна пакажа свой новы фільм на фэсце ў Канах
Мадонна плануе прадставіць свой новы фільм “W.E.”, над якім працуе ў якасці рэжысёра і прадзюсара, на знакамітым Канскім кінафестывалі.
Праўда, аднаго жадання поп-дзівы яшчэ не дастаткова – фільм павінен
прайсці адбор і атрымаць “дабро” арт-дырэктара фестывалю Ц’еры Фрэма.
Нагадаем, што “W.E.” уяўляе сабой драму з гістарычнымі паралелямі, у
якой гісторыя кахання брытанскага манарха Эдварда VIII і яго пасіі,
амерыканкі Ўолес Сімпсан, паказаная скрозь прызму ўзаемаадносін сучаснай
пары. У галоўных ролях карціны зняліся Эбі Корніш, Оскар Айзек, Джэймс
Д'Арсі, Андрэа Райзбаро і іншыя.
Гэты фільм стане другой рэжысёрскай працай Мадонны пасля “Filth &
Wisdom” 2008-га года. Цікава, што для здымак “W.E.” спявачка прасіла
адмысловы дазвол у каралеўскага двара Вялікабрытаніі. Папярэдні зачынены
паказ стужкі для дыстрыб’ютараў адбудзецца ў лютым.
Фота: www.moizvezdi.ru
