Лявон Вольскі выпусціў альбом "Грамадазнаўства" (слухаць)
Пласцінка запісана ў супрацоўніцтве з нарвежскім музыкам і саўнд-прадзюсарам Снорэ Бэргерудам у Вільні.
25 сакавіка Лявон Вольскі прадставіў альбом "Грамадазнаўства". Пласцінку называюць "данінай павагі фэнам старога N.R.M. і тлустай рысай, якой музыка падводзіць пад прывідным беларускім "сёння"".
"Я думаю, што скончыўся час кампрамісаў, — каментуе Вольскі. — Час гандлю, прымання ўмоваў гульні, унутранага цэнзара і лавіравання. Сышоў час эзопавай мовы, схаваных сэнсаў і чытання паміж радкамі. Хацелася выказацца проста і ясна".
"Грамадазнаўства" запісвалася на віленскай студыі Ymir Audio. За музычны складнік пласцінкі адказваў нарвежскі мультыінструменталіст і саўнд-прадзюсар Снорэ Бэргеруд. Таму Лявон называе гук на альбоме "нетутэйшым і скандынаўскім", а трэкі — "камянямі ў брукаванцы".
Спампаваць альбом можна тут.
Паводле 34mag.net
