Лукашэнка заявіў, што існуе дакумент, які можа быць прыняты на саміце
У беларускай сталіцы сёння праходзіць саміт з удзелам прадстаўнікоў Мытнага саюза (Беларусі, Казахстана, Расіі), Украіны і ЕС.
У Мінск прыляцелі прэзідэнт Украіны Пятро Парашэнка, вярхоўная прадстаўніца ЕС па замежных справах і палітыцы бяспекі Кэтрын Эштан, еўракамісар па гандлі Карэл дэ Гухт, еўракамісар па энергетыцы Гюнтэр Этынгер, прэзідэнт Казахстана Нурсултан Назарбаеў ды прэзідэнт Расіі Уладзімір Пуцін. Асноўная тэма саміта — сітуацыя ва Украіне.
Аляксандр Лукашэнка заявіў, што па выніках сустрэчы ў Мінску можа быць прыняты нейкі выніковы дакумент, яго праект ужо падрыхтаваны. Кіраўнік Беларусі прапанаваў лідарам Расіі, Украіны, Казахстана і прадстаўнікам Еўрасаюза яго абмеркаваць, дапрацаваць і падпісаць.
Фота — Facebook
