Лукашэнка анансаваў новыя перастаноўкі ва ўрадзе

Аляксандр Лукашэнка анансаваў новыя перастаноўкі ва ўрадзе. Адбылося гэта 29 лістапада, калі ў кіраўніка дзяржавы аб'явілі пра два гучныя прызначэнні і адну адстаўку.

Міністр эканомікі Дзмітрый Крутой прызначаны першым віцэ-прэм'ерам, а Аляксандр Турчын, які дагэтуль займаў гэтую пасаду, стаў старшынём Мінаблвыканкама. Былы кіраўнік Мінскай вобласці Анатоль Ісачэнка зноў стаў памочнікам кіраўніка дзяржавы, інспектарам у гэтым рэгіёне.

Як інфармуе прэс-служба кіраўніка дзяржавы, Аляксандр Лукашэнка прызнаўся, што "асноўны этап... карэкціроўкі складу ўраду... будзе пасля Новага года". Але да таго ён выслухае справаздачу пра дзейнасць Саўміна.

"І як у былыя часы, перад тым як ісці на прэзідэнцкія выбары, я заўсёды фармаваў урад і не толькі — усю вертыкаль", — гаворыць Лукашэнка. Паводле яго слоў, беларусы павінны бачыць, з кім ён збіраецца працаваць.

Прэзідэнцкія выбары ў Беларусі пройдуць у 2020 годзе.