Луцэнка: Новы міністр абароны Украіны выканае "радыкальна іншыя задачы"
У нядзелю ўкраінскі прэзідэнт Пятро Парашэнка адправіў у адстаўку міністра абароны Валерыя Гелецея.
Саветнік Парашэнкі Юрый Луцэнка заявіў, што "Гелецей выканаў сваю функцыю, і цяпер павінен прыйсці міністр, якому будуць пастаўлены іншыя задачы". Яны будуць "радыкальна іншымі".
"Раней мы знаходзіліся ў вострым супрацьстаянні з тэрарыстычнымі войскамі, а пасля — з рэгулярнай расійскай арміяй, — цытуе словы Луцэнкі УНІАН. — У гэтых умовах Гелецей быў прызначаны раней. У нас... быў вялізны выклік — уваход рэгулярнай расійскай арміі, і Гелецей вытрымаў сваю працу. Сёння прэзідэнт лічыць неабходным узмацніць гэты ўчастак працы, прызначыць іншую кандыдатуру".
Ужо ў панядзелак Пятро Парашэнка можа ўнесці ў Вярхоўную Раду кандыдатуру новага міністра абароны.
Фота — УНІАН
