Лідзія Ярмошына: Давай, пака! (аўдыё)
29 студзеня Лідзія Ярмошына святкуе свой 65-ы дзень нараджэння. Са снежня 1996-га яна працуе на пасадзе старшыні Цэнтрвыбаркама. Ярмошына магла ўжо быць на пенсіі, але кіраўнік дзяржавы даверыў ёй правядзенне чарговых выбарчых кампаній. Бліжэйшыя выбары — мясцовыя, яны прызначаныя на 18 лютага.
Еўрарадыё датэлефанавалася да Лідзіі Ярмошынай, каб задаць некалькі пытанняў.
Еўрарадыё: Вы ніколі не шкадавалі, што выбарам усё жыццё аддалі?
Ярмошына: Чаму ўсё жыццё? Я да 45 гадоў была зусім свабодная, да 43-х нават.
Еўрарадыё: Ну так. А далей, вас ведаюць, як старшыню менавіта…
Ярмошына: Ну лічыце, што гэта мой брэнд, мой лёс. Ну ўсё, #давайпака!
