Латвія збіраецца адправіць свае войскі ва Украіну
Армія ЗША ў Еўропе з 14 да 25 ліпеня арганізуе на тэрыторыі нашай паўднёвай суседкі вайсковыя вучэнні "Rapid Trident 2014".
У іх мусяць прыняць удзел каля тысячы вайскоўцаў з 18 краін: Украіны, Малдовы, Грузіі, Арменіі, Азербайджана, Турцыі, Румыніі, Грэцыі, Польшчы, Даніі, Чэхіі, Нямеччыны, Вялікабрытаніі, Балгарыі, Іспаніі, Канады, ЗША і Латвіі. Аднак латвійскі ўрад яшчэ не прыняў рашэнне аб удзеле прадстаўнікоў Нацыянальных узброеных сілаў у вучэннях. Яно можа з'явіцца ў самы бліжэйшы час, адзначае РІА "Новости".
Вядома, што вайскоўцы будуць адпрацоўваць ва Украіне ўзаемадзеянне паміж арміямі розных краін. Афіцыйна заяўляецца, што вучэнні праводзяцца "з мэтай павышэння рэгіянальнай стабільнасці і бяспекі, умацавання партнёрскіх магчымасцяў, узаемнага даверу".
Фота — ria.ru
