“Крамбамбуля” ў Мінск-Арэне (фотафакт)
На карпаратыве IBA-group гурт Лявона Вольскага сыграў разам з украінскім калектывам “Океан Ельзи”.
Гурт "Крамбамбуля" выступіў ў Мінск-Арэне. На самай буйной канцэртнай пляцоўцы краіны прайшоў карпаратыў IBA-group. Разам з “Крамбамбуляй”, якая, па неафіцыйных звестках, забаронена ў Беларусі, выступіў і ўкраінскі гурт “Океан Ельзи”, а вядучым шоў быў Дзяніс Кур'ян.
Па словах удзельнікаў карпаратыва, прысутнічала каля 4 тысяч чалавек. Гэты карпаратыў адбыўся яшчэ 18 красавіка, але фота з'явіліся толькі цяпер. Як высветліла Еўрарадыё, беларускія IT-шнікі часта адрываюцца пад вядомыя гурты. І тая ж “Крамбамбуля” не ўпершыню грае на карпаратывах.
“Яны сабе дазваляюць здымаць Палацы спорту, Палацы рэспублікі, — некалі распавядала Еўрарадыё дырэктар гурта Ганна Вольская. — Гэта самая мэтавая аўдыторыя, якая любіць жывую музыку. Вось мы днямі гралі ў Палацы спорту, і гэта быў звычайны рок-канцэрт”.
Фота з фэйсбука Andrei Plesanov
