Кітайскія пажарныя памылкова аблілі пенай самалёт, які не гарэў
![Кітайскія пажарныя памылкова аблілі пенай самалёт, які не гарэў](/sites/default/files/styles/gallery_main/public/2023-08/szssisamalot600ria.jpg.webp?itok=G5JFhc2U)
Кітайскія пажарныя памылкова аблілі пенай самалёт, які не гарэў. Кур'ёзнае здарэнне адбылося ў аэрапорце горада Фучжоў. Як паведамляе meduza.io, пажарныя атрымалі сігнал пра ўзгаранне на борце аднаго з самалётаў. Але пенай быў заліты іншы пасажырскі самалёт, на борце якога знаходзіліся пасажыры і які рыхтаваўся да вылету. У выніку лайнер давялося накіроўваць на дадатковае тэхнічнае абследаванне, каб пераканацца, што пена не трапіла ў рухавікі. Вылет быў затрыманы на 10 гадзінаў.
Што да самалёта, на якім сапраўды былі праблемы з рухавіком, пра што экіпаж праінфармаваў дыспетчара, то пажарныя яго ўсё ж адшукалі праз некаторы час.
Фота: ria.ru