Кітай дасць грошы на будаўніцтва нацыянальнага стадыёна ў Мінску

Кітай плануе фінансава дапамагчы Беларусі пабудаваць нацыянальны стадыён у Мінску. Пра гэта паведаміў міністр эканомікі Уладзімір Зіноўскі. Паводле яго слоў, якія перадае БЕЛТА, кітайцы гатовыя ўкласці грошы і ў пабудову "Басейна міжнароднага стандарту" ў беларускай сталіцы. Ужо падпісанае пагадненне пра аказанне Кітаем Беларусі тэхнічна-эканамічнай дапамогі. Яно прадугледжвае выдзяленне каля 1,2 млрд юаняў (180 мільёнаў долараў) і ў самы бліжэйшы час.