Кіраўнікоў штаба Бабарыкі выклікалі ў Генпракуратуру
Марыю Калеснікаву і Максіма Знака, кіраўнікоў выбарчага штаба Віктара Бабарыкі, выклікалі ў пракуратуру 16 ліпеня на 11:00. Пра гэта штаб экс-прэтэндэнта на прэзідэнцкую пасаду паведаміў у Твітары.
"Мы скарыстаемся гэтай магчымасцю для перадачы інфармацыі пра шматлікія парушэнні заканадаўства Рэспублікі Беларусь з просьбай прыняць меры пракурорскага рэагавання", — гаворыцца ў паведамленні.
Крыху пазней прадстаўнікі штаба паведамілі, што стэлефанаваліся з пракуратурай і перанеслі візіт на пазнейшы час. "Парадак дня канструктыўны", — супакойваюць яны сваіх прыхільнікаў.
Марию Колесникову и Максима Знака вызвали в генпрокуратуру. Мы воспользуемся этой возможностью для передачи информации о многочисленных нарушениях законодательства Республики Беларусь с просьбой принять меры прокурорского реагирования pic.twitter.com/Gk9SKxlqKN
— Виктор Бабарико (@viktar_babaryka) July 16, 2020
Созвонились с генпрокуратурой.
— Виктор Бабарико (@viktar_babaryka) July 16, 2020
Перенесли встречу на другое время. Повестка конструктивная.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
