Кіраўнікі баранавіцкага авіяцыйнага завода знаходзяцца за кратамі
![Кіраўнікі баранавіцкага авіяцыйнага завода знаходзяцца за кратамі](/sites/default/files/styles/gallery_main/public/2023-08/zav.jpg.webp?itok=UEllIzx9)
Кіраўнікі баранавіцкага 558-га авіяцыйнага рамонтнага завода — ужо былы дырэктар Павел Пінігін і яго намеснік Вячаслаў Іванчукоў — знаходзяцца за кратамі. Як піша @zerkalo_io, іх затрымалі яшчэ ў чэрвені. Дакладная прычына дагэтуль невядомая (па адной з версій, падазраюць у карупцыі).
Пінігіну 60 гадоў. На заводзе ён працуе больш за тры дзесяцігоддзі, дырэктарам стаў у 2015-м. Цяпер прадпрыемствам кіруе выканаўца абавязкаў дырэктара. Іванчукову 58 гадоў. Ён, як і Павел Пінігін, скончыў Харкаўскае вышэйшае ваеннае авіяцыйна-інжынернае вучылішча.
Мяркуецца, што па справе праходзяць яшчэ не менш трох супрацоўнікаў прадпрыемства. Вядома, што сёлета ў КДБ выклікалі на допыты нават былых супрацоўнікаў завода. Дзяржбяспеку цікавіла, хто можа дасылаць тг-каналам фотаздымкі самалётаў.
![Кіраўнікі баранавіцкага авіяцыйнага завода знаходзяцца за кратамі](/sites/default/files/styles/default_image_paragraph_watermark/public/paragraphs/image/pavelpiniginivyacheslavivanchukov.jpg.webp?itok=aI6OMGEy)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.