Вы тут

Кавалёнак: зрабіць Беларусь дэмакратычнай і глабальнай дзяржавай — мая ідэя

Таццяна Кавалёнак / Аляксандра Канончанка

2 ліпеня госць Еўрарадыё — заснавальніца і вядучая першага падкаста пра адукацыю ў Беларусі, магістр па міжнародным развіцці і адукацыі Таццяна Кавалёнак.

Калі мы гаворым пра нацыянальную ідэю, то мы атаясамліваем яе з нейкім канкрэтным культурным кодам нацыі. Але Беларусь знаходзіцца на мяжы заходняй і ўсходняй цывілізацый, і таму ў нашым культурным кодзе намяшана патроху і з таго, і з другога боку. І таму гаварыць, што наша нацыянальная ідэя базуецца на нейкім “добра ўсталяваным культурным кодзе", немагчыма, кажа Таццяна Кавалёнак.

Пра тое, ці варта ў часы глабалізацыі “заганяцца” пошукам нацыянальнай ідэі і як зрабіць так, каб працэс пошуку гэтай ідэі не стаў вечным, мы і разважаем у чарговым выпуску "Ідэі Х" з Таццянай Кавалёнак.

Трансляцыю можна паглядзець у сацсетках: Facebook, "ВКонтакте", "Аднакласнікі", Twitter

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.