“Карпаты” патрабуюць за беларускага футбаліста Ковеля 3 мільёны долараў

3 мільёны долараў патрабуюць за трансфер беларускага футбаліста Леаніда Ковеля львоўскія “Карпаты”. Нагадаем, у Ковеля 31 снежня скончыўся тэрмін арэнды ва ўкраінскай камандзе, а новае пагадненне ён падпісваць адмовіўся. Беларус вырашыў працягнуць сваю кар’еру ў расійскім клубе “Сатурн”.

Аднак “Карпаты” заяўляюць, што маюць правы на Ковеля і гатовыя яго прадаць, паведамляе сайт championat.ru.