Капітан тэніснай зборнай: Лукашэнку прыемна пагутарыць з прыгожымі дзяўчатамі
![Капітан тэніснай зборнай: Лукашэнку прыемна пагутарыць з прыгожымі дзяўчатамі](/sites/default/files/styles/gallery_main/public/2023-08/000028_dbee1c625109e0a1432581d20032bdcb_778059.jpg.webp?itok=I8LD2VcX)
Капітан жаночай тэніснай зборнай Беларусі Эдуард Дуброў чакае, што Аляксандр Лукашэнка наведае фінальны матч Кубка федэрацыі. 11-12 лістапада на “Чыжоўка-Арэне” згуляюць зборныя Беларусі і ЗША.
“Мы ўжо прывыклі да таго, што кіраўнік дзяржавы наведвае тэнісныя матчы, — цытуе словы Дуброва “Прессбол”. — Без яго, напэўна, гульні ўжо будуць не тыя. Ён любіць прыйсці ў распранальню і падбадзёрыць дзяўчынак. Думаю, прэзідэнт зойдзе і на гэты раз. Яму таксама прыемна пагутарыць з прыгожымі дзяўчатамі. Да таго ж іх саміх ні да чаго не абавязвае”.
Наша каманда выступіць без Вікторыі Азаранкі. З амерыканкамі згуляюць Арына Сабаленка, Аляксандра Сасновіч, Вера Лапко і Лідзія Марозава.
![Капітан тэніснай зборнай: Лукашэнку прыемна пагутарыць з прыгожымі дзяўчатамі](/sites/default/files/paragraphs/image/000343d5e812f84449c7ee0c2600c102928a2bpresidentgovby.jpg)
Здымак з архіву. Фота: president.gov.by