Камяніца падвоіла поспех
Чаканні арганізатараў фестывалю спраўдзіліся – у гэтым годзе “Камяніцу” наведала прыкладна 6000 гледачоў – гэта ўдвая больш у параўнанні з мінулагоднім фэстам.
Атрыманыя грашовая сродкі, як і летась, пойдуць на патрэбы музею і на рэстаўрацыю ўнікальных будынкаў, размешчаных на яго тэрыторыі.
Цягам шасці гадзін на фестывалі выступілі беларускія этна-гурты розных накірункаў: Akana, Guda, Бан-Жвірба, Маланка-Аркестр,Троіца, Палац і адмысловы госць – Лявон Вольскі.
![](/files/styles/in_report/public/field/image/2010/09/3262/18548.jpeg)
Такой
колькасці людзей, безумоўна, паспрыяла і цудоўнае сонечнае надвор’е
суботняга дню. Людзі прыязджалі ў Строчыцы сем’ямі, з сябрамі і нават з
маленькімі дзеткамі.
![](/files/styles/in_report/public/field/image/2010/09/3262/18549.jpeg)
“Цудоўны фестываль! – кажа адзін з наведвальнікаў. – І
вельмі удалае месца, вельмі атмасфернае – так атрымалася, што нам
адразу ўсё тут спадабалася і захацелася застацца. Этна-музыка выдатна
падыходзіць для такіх краявідаў”.
![](/files/styles/in_report/public/field/image/2010/09/3262/18550.jpeg)
Так музыка на “Камяніцы” стварала настрой і дапаўняла
маляўнічае наваколле, а музыкі, у сваю чаргу, адзначалі, што ім вельмі
дапамагае такая энергетыка, што ідзе ад публікі перад сцэнай.
![](/files/styles/in_report/public/field/image/2010/09/3262/18551.jpeg)
Бан-Жвірба
“Адразу
перадаецца настрой людзей, якія прыязджаюць сюды не толькі музыку
паслухаць, а таксама прыходзяць паглядзець усё, што тут ёсць, – кажа Міця Гаўрылін з гурта Бан-Жвірба. – Першымі
мы выступаем, ці чацвёртымі, як сёння, наша функцыя – падняць і завесці
публіку! Мяркуючы па рэакцыі людзей, нам і сёння гэта ўдалося – народ
стаў танцаваць, весяліцца, падышоў бліжэй да сцэны”.
![](/files/styles/in_report/public/field/image/2010/09/3262/18552.jpeg)
У гэтым годзе ўжо відавочна, што фармат фестывалю больш шырокі, больш
прадстаўнічы, яго наведала значна больш людзей. Гэтай думкі
прытрымліваецца і лідар гурта Палац, а таксама вядучы фэсту “Камяніца” Алег Хаменка.
Алег Хаменка: “Мне
здаецца гэты пазітыўны рух, які на сённяшні момант я адчуваю, не можа
не радаваць. Дадам толькі, што ўсё тое, што зараз тут адбываецца, яшчэ
моцна-моцна дадае жадання марыць, працаваць. Бо фестываль “Камяніца”
дазваляе верыць, што ў хуткім часе гэта будзе фэст еўрапейскага ўзроўню”.
![](/files/styles/in_report/public/field/image/2010/09/3262/18547.jpeg)
![](/files/styles/in_report/public/field/image/2010/09/3262/18553.jpeg)
Сённяшні фэст і сапраўды дае надзею, што неўзабаве для ўдзелу ў “Камяніцы”
прыедуць і замежныя зоркі. Пакуль і арганізатары фестывалю, і яго
ўдзельнікі, гавораць пра гэта толькі шэптам: зразумела, што існуе цэлы
шэраг пазіцый, якія неабходныя для таго, каб свята стала міжнародным.
![](/files/styles/in_report/public/field/image/2010/09/3262/18554.jpeg)
Маланка-Аркестр
![](/files/styles/in_report/public/field/image/2010/09/3262/18563.jpeg)
![](/files/styles/in_report/public/field/image/2010/09/3262/18565.jpeg)
![](/files/styles/in_report/public/field/image/2010/09/3262/18561.jpeg)
![](/files/styles/in_report/public/field/image/2010/09/3262/18567.jpeg)
![](/files/styles/in_report/public/field/image/2010/09/3262/18568.jpeg)
![](/files/styles/in_report/public/field/image/2010/09/3262/18569.jpeg)
![](/files/styles/in_report/public/field/image/2010/09/3262/18570.jpeg)
Алег Хаменка: “Я вельмі спадзяюся, што ўжо ў наступным годзе да нас прыедуць музыкі як мінімум з Украіны і Літвы,
і гэта ўжо перавядзе фестываль у статус міжнароднага. Але, пэўна, не аб
гэтым трэба зараз гаварыць. Гэта павінен быць такі фестываль, на які
лепшыя фальклорныя калектывы Еўропы імкнуліся б прыехаць. І ў “Камяніцы” ёсць для гэтага ўсе шанцы. Як у фальклоры кажуць: “Дай Божа і нашаму цяляці ваўка з’есці!”
![](/files/styles/in_report/public/field/image/2010/09/3262/18555.jpeg)
Маладыя ўдзельнікі фестывалю мараць пра тое, што з часам у “Камяніцы”
будзе не адна, а некалькі сцэн, і наведвальнікі такім чынам змогуць
знаёміцца не толькі з традыцыйнымі фольк-гуртамі, але і з самымі
рознымі авангарднымі і мадэрн-накірункамі этна-музыкі, а самі музыкі
змогуць падзяліцца досведам і павучыцца ў сваіх калег.
![](/files/styles/in_report/public/field/image/2010/09/3262/18556.jpeg)
Міця Гаўрылін: “Я
думаю, што гэты фестываль павінен працягвацца – ён збліжае нашы
этна-калектывы. Таму што мы ўсе вельмі розныя, і тым больш цікава
паглядзець адно на аднаго, паслухаць, павучыцца. Я думаю, што ў
фестывалю, безумоўна, ёсць будучыня, і калі нас запросяць
паўдзельнічаць у наступным годзе – мы абавязкова пагодзімся!”![](/files/styles/in_report/public/field/image/2010/09/3262/18557.jpeg)
![](/files/styles/in_report/public/field/image/2010/09/3262/18557.jpeg)
Бадай, самы фестывальна дасведчаны ўдзельнік сёлетняй “Камяніцы” – “Троіца”. За час існавання гурта Іван Кірчук аб'ездзіў больш 80 фестываляў у самых розных краінах свету. Разважаючы пра будучыню беларускіх фэстаў, Іван Кірчук адзначыў, што фестываль “Камяніца”
– вялікі ўнёсак у развіццё беларускай культуры. Але каб фэст стаў
сапраўды еўрапейскім, арганізатарам не перашкодзіць крышачку паездзіць
па міжнародных імпрэзах, і пазычыць у іх досведу, лічыць музыкант.
![](/files/styles/in_report/public/field/image/2010/09/3262/18558.jpeg)
Іван Кірчук: “Добра, што фестываль ёсць, што і ў Беларусі гэты
фестывальны рух пачаўся. Нам ёсць яшчэ чаму павучыцца: трэба прывучыць
моладзь і людзей да таго, што гэты фестываль існуе. Напрыклад, ёсць
фестывалі ў Еўропе, якім 20 гадоў,
і нават калі там вельмі дарагія квіткі, людзі прыходзяць, таму што
ведаюць, што кожны год іх чакаюць новы выступы і новыя гурты. Я шчыра
спадзяюся, што такі этна-фестывальны рух зараз пачынаецца і ў нас.
Напрыклад, у Канадзе адбываецца 1200 этна-фестываляў у год. Столькі мы, вядома, не зробім, але 20 магло б быць. Беларуская этна-музыка вельмі цікавая за мяжой. Хочацца, каб яна была цікавай і для беларусаў. Фестываль “Камяніца” ўпэўнена заяўляе, што гэта магчыма”.
![](/files/styles/in_report/public/field/image/2010/09/3262/18560.jpeg)
Леанід Паўлёнак, які ў мінулым годзе браў удзел у “Камяніцы” ў складзе гурта “Нагуаль”, а сёлета прыехаў з сваёй камандай “Маланка-Аркестр”, адзначае, што цягам гэтага году фестываль значна вырас.
Леанід Паўлёнак: “І
ў тэхнічным плане адбылося нейкае развіццё, усё значна лепш
арганізавана. А таксама і гукавое аздабленне, і мастацкае. Як вы самі
бачыце – людзей у гэтым годзе значна болей. І, вядома ж, вельмі добра
абранае месца правядзення фестывалю – гэты музейны комплекс. Гэта трэба
захоўваць і развіваць. Бо многія з замежныя этна-гурты хочуць прыехаць
да нас з выступам. Таму я вельмі спадзяюся, што хутка вышэйшыя
дзяржаўныя чыны звернуць увагу на гэты фэст, і дапамогуць яму
развівацца больш шырока і ў розных накірунках”.
![](/files/styles/in_report/public/field/image/2010/09/3262/18559.jpeg)
Лявон Вольскі
![](/files/styles/in_report/public/field/image/2010/09/3262/18562.jpeg)
Консул амбасады Швецыі ў Беларусі Стэфан Эрыксан – вялікі аматар беларускай музыкі і культуры – таксама прыехаў падтрымаць фестываль “Камяніца” і застаўся вельмі ўражаны тым, што ўбачыў.
Стэфан Эрыксан: “На жаль, я не змог прыехаць на “Камяніцу”
у мінулым годзе, але сёлета трапіў, і вельмі гэтаму рады. Месца
цудоўнае і вельмі падыходзіць для такога фестывалю! Падаецца, зусім
блізка ад гораду, але атмасфера ўжо зусім іншая, сапраўды старажытная!
З вялікім задавальненнем слухаю гэтую музыку. Усе ўдзельнікі фэсту
вельмі таленавітыя і годныя прадстаўнікі Беларусі, беларускай музыкі і культуры. Але іх немагчыма параўноўваць - яны вельмі розныя. Прызнаюся, я натанцаваўся пад Вольскага!”
![](/files/styles/in_report/public/field/image/2010/09/3262/18563.jpeg)
![](/files/styles/in_report/public/field/image/2010/09/3262/18564.jpeg)
Акрамя
галоўнай сцэны, дзе адбываліся выступы гуртоў, наведвальнікі фестывалю
маглі паглядзець экспазіцыю Беларускага дзяржаўнага музею народнай
архітэктуры і побыту, пакаштаваць традыцыйныя стравы і напоі ў "Карчме",
а таксама набыць традыцыйныя вырабы з саломкі і керамікі, створаныя
прадстаўнікамі Беларускага саюза майстроў народнай творчасці.
![](/files/styles/in_report/public/field/image/2010/09/3262/18565.jpeg)
![](/files/styles/in_report/public/field/image/2010/09/3262/18561.jpeg)
![](/files/styles/in_report/public/field/image/2010/09/3262/18567.jpeg)
![](/files/styles/in_report/public/field/image/2010/09/3262/18568.jpeg)
![](/files/styles/in_report/public/field/image/2010/09/3262/18569.jpeg)
![](/files/styles/in_report/public/field/image/2010/09/3262/18570.jpeg)
![](/files/styles/in_report/public/field/image/2010/09/3262/18566.jpeg)