Каля Плешчаніцаў дрэва ўпала на маршрутку з людзьмі

У Лагойскім раёне каля Плешчаніцаў дрэва ўпала на маршрутку з людзьмі, паведамляе mlyn.by. Здарэнне адбылося ўдзень 12 ліпеня. Якраз пачаўся моцны лівень, з'явіўся ўраганны вецер. Вялікае дрэва падала на дарогу прыблізна ў 20 метрах перад маршруткай, якая ехала з хуткасцю 80 км/г. Дзякуючы рэакцыі кіроўцы, пасажыры не пацярпелі. Мікрааўтобус рэзка затармазіў, і дрэва ўпала не на дах, а на капот.

Пасажыры дапамаглі кіроўцу адцягнуць з дарогі дрэва і дачакаліся аўтобуса, які іх забраў.