Каля гарвыканкама ў Гродне затрымалі актывістаў
Пяць актывістаў Беларускай Хрысціянскай дэмакратыі былі затрыманыя міліцыянтамі каля будынку гродзенскага гарвыканкаму.
Сябра БХД Мікола Баўсюк паведаміў Радыё "Свабода", што пяць актывістаў ішлі павіншаваць з Днём Волі старшыню гарвыканкаму Мечыслава Гоя. У падарунак чыноўніку яны прынеслі бел-чырвона-белы сцяг і герб "Пагоня", а таксама кароткую гісторыю БНР.
Актывісты прыпыніліся перад уваходам у выканкам, каб зрабіць памятныя здымкі. Тут да іх падышоў міліцыянт і прапанаваў прайсці ў пастарунак для праверкі дакументаў.
