Інвалід па зроку толькі з шостага разу паступіў у Гродзенскі каледж

Інвалід трэцяй групы прыехаў з Брэсцкай вобласці. Ільготы пры паступленні ёсць толькі ў інвалідаў першай і другой групы, таму трапіць на вучобу яму было нялёгка. Аднак ён усё ж ажыццявіў сваю мару.
На шосты год яго залічылі на спецыяльнасць "Лячэбны масаж" у Гродзенскі медыцынскі каледж. А вось абсалютна сляпому гродзенцу не ўдалося з першага разу паступіць у каледж мастацтваў, хаця кожны дзень ён гадзінамі грае на фартэпіяна. Паўтарыць спробу ён плануе ў наступным годзе.