Хэдлайнеры фэста "Мост" — Hurts выпусцілі новы кліп (глядзець)
Відэа "Somebody To Die For" знятае на рэлігійную тэму. З фірмовым спакоем на тварах Hurts разважаюць, за каго ў гэтым свеце варта ахвяраваць сабой.
"Somebody To Die For" — гэта бясконцая дарога, закінутыя месцы і людзі, апантаныя верай. Відэашэраг нагадвае "Ride" Ланы Дэль Рэй. Гэта не дзіўна: прадзюсар песні Дэн Грыч (Dan Grech-Marguerat) працуе таксама і з Ланай.
Дарэчы, сінгл "Somebody To Die For" будзе выпушчаны толькі праз месяц — 21 ліпеня. Ён стане трэцім (пасля "Miracle" і "Blind") трэкам Hurts, падрыхтаваным для іх другога альбома — "Exile".
