Гюнеш прадставіла кліп на песню для "Еўрабачання"
Фіналістка нацыянальнага адбору на "Еўрабачанне-2018" Гюнеш апублікавала кліп на конкурсную песню. Рэжысёрам роліка выступіў Ягор Бякаў. У instagram Бякаў напісаў, што пачаў балець за Гюнеш у адборах на "Еўрабачанне", калі яшчэ быў маленькім.
Упершыню Гюнеш змагалася за пуцёўку на конкурс у 2005 годзе. Сёлета спявачка ідзе ў бой у сёмы раз. Дарэчы, у пятніцу 9 лютага ў 13.00 Гюнеш стане госцяй жывога эфіру Еўрарадыё. Задавайце пытанні артыстцы!
