Гродзенка з сяміразовым перавышэннем нормы алкаголю села за руль аўто

У Гродне міліцыянты затрымалі жанчыну, якая кіравала аўтамабілем, маючы шматразовае перавышэнне нормы алкаголю. Пра гэтае здарэнне агенцтву БЕЛТА распавялі ва ўпраўленні ДАІ УУС Гродзенскага аблвыканкама.

Інцыдэнт адбыўся ў ноч на 12 снежня на праспекце Янкі Купалы. Супрацоўнікі міліцыі затрымалі кіроўцу "Сеата". Утрыманне алкаголю ў яе арганізме ў сем разоў перавысіла гранічна дапушчальную норму. Жанчына распавяла, што пасварылася з мужам і, выпіўшы каньяку, вырашыла з'ехаць з дома.

Дарэчы, напярэдадні супрацоўнікі ДАІ затрымалі яшчэ аднаго п'янага кіроўцу ў цэнтры горада. Кіроўца "Мазды", выязджаючы на ​​вуліцу Кірава, не даў перавагу "Фальксвагену". Пасля аварыі вінаваўца ДТЗ паспяшаўся ўцячы з месца здарэння. "Фльксваген" атрымаў сур'ёзныя пашкоджанні.

Прычыну паводзінаў кіроўцы "Мазды" высветлілі неўзабаве: ён быў за рулём нецвярозы. Пасля аварыі мужчына схаваў машыну за смеццевымі бакамі на вуліцы Леванабярэжнай. Медыцынскі агляд выявіў, што ўтрыманне алкаголю ў яго арганізме ў чатыры разы перавышае норму.