Гродзенец выклікаў міліцыю на міліцыянтаў, якія званілі ў яго кватэру
Міліцыя, ілюстрацыйнае фота / МУС Беларусі
У гродзенскую міліцыю па лініі 102 каля паўночы паступіла тэлефанаванне. Мужчына з вуліцы Ліможа скардзіўся, што яму ў кватэру звоняць невядомыя, перадае прэсс-служба УУС Гродзенскага аблвыканкама.
Аказалася, што ў кватэру да яго звоняць... таксама міліцыянты.
Перад тым суседзі паскардзіліся на гродзенца, што ў яго кватэры гучна грае музыка. І міліцыянты прыйшлі разбірацца са скаргай.
Чым скончыўся візіт міліцыі, не паведамляецца.
