Гендырэктар ФК "Мінск": Дзяўчат бачыў, але не ведаў, што гэта порнаактрысы
![Гендырэктар ФК "Мінск": Дзяўчат бачыў, але не ведаў, што гэта порнаактрысы](/sites/default/files/styles/gallery_main/public/2023-08/insk-0604-1.jpg.webp?itok=WEoGjcdb)
Супрацоўнікі футбольнага клуба "Мінск" патлумачылі скандал з рэкламным фотаздымкам. Як паведамляла Еўрарадыё, у сацсетках клуба з'явілася рэкламнае фота з дзяўчатамі. Інтэрнэт-карыстальнікі апазналі, што гэта порнафота, апрацаванае з дапамогай фоташопу. Сцэнічныя псеўданімы порнаактрыс — Ariel, Caprice і Carisha.
Гендырэктар "Мінска" Ігар Шлойда ў каментары сайту by.tribuna.com паведаміў: "Дзяўчат прыгожых бачыў, але што гэта порнаактрысы не ведаў".
Па словах маркетолага футбольнага клуба Аляксандра Багайчука, прэзентацыя новай формы клуба і новага спонсара мусіла адбыцца ў выглядзе бодзі-арта. Па дапамогу клуб звярнуўся да спецыяліста, які займаецца фотамантажом. "Ён зрабіў. Дзяўчынкі прыгожыя, выглядае добра, але хто яны такія, мы не ведалі. Арыгінальнага здымка я не бачыў", — кажа Багайчук.
Маркетолаг паведаміў, што з гэтым дызайнерам клуб звязвацца больш не будзе.
![Гендырэктар ФК "Мінск": Дзяўчат бачыў, але не ведаў, што гэта порнаактрысы](/sites/default/files/paragraphs/image/zu6bjyt6yqw_1.jpg)