Вы тут

Галоўнага рэдактара "Нашай Нівы" Ягора Марціновіча выпусцілі з ІЧУ на Акрэсціна

Ягор Марціновіч з жонкай Адар'яй Гуштын / nashaniva.by

Галоўнага рэдактара "Нашай Нівы" Ягора Марціновіча выпусцілі з Акрэсціна, паведамляе nashaniva.by. 26 верасня ў 9.35 мінуў 72-гадзінны тэрмін яго затрымання.

23 верасня дома ў Ягора Марціновіча прайшоў ператрус. Пасля гэтага яго забралі на допыт у Цэнтральны апарат Следчага камітэта. Пасля допыту яго змясцілі ў ІЧУ на Акрэсціна.

Марціновіча затрымалі як падазраванага па крымінальнай справе аб паклёпе (арт. 188 Крымінальнага кодэкса). Падставай стаў артыкул у "Нашай Ніве", дзе адзін з дыджэяў пераменаў Сакалоўскі казаў, быццам да яго ў камеру падчас арышту прыходзіў намеснік міністра ўнутраных спраў Барсукоў.

Сам Сакалоўскі пару тыдняў таму папрасіў прытулку ў Літве, куды ён выехаў пасля выхаду на волю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.