Галодныя рабаўнікі забралі ў гродзенца сумку з прадуктамі і з'елі іх
![Галодныя рабаўнікі забралі ў гродзенца сумку з прадуктамі і з'елі іх](/sites/default/files/styles/gallery_main/public/2023-08/holad-2702.jpg.webp?itok=EMknUPF9)
27-гадовы гродзенец стаў ахвярай начнога рабунку, пакуль чакаў транспарт на прыпынку "Аўтавакзал".
Як піша прэс-служба УУС Гродзенскага аблвыканкаму, здарэнне адбылося каля 23-й гадзіны. Малады чалавек зайшоў у краму і купіў дадому прадукты. Пакуль ён стаяў на прыпынку, пакет з прадуктамі прывабіў двух мужчын, якія праходзілі міма.
Мужчыны 45 і 46 гадоў падышлі да гродзенца, выхапілі пакет з ежай і ўцяклі ў двары. Пацярпелы звярнуўся ў міліцыю, і неўзабаве праваахоўнікі затрымалі нападнікаў.
Аднак высветлілася, што скрадзеныя прадукты (агульным коштам 12 рублёў) мужчыны паспелі з'есці. Нападнікі патлумачылі, што былі галодныя, а грошай на ежу не маюць, бо ніхто з іх не працуе. Гэта і падштурхнула іх да рабаўніцтва.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.