Футбалісты Камеруна прывезлі з сабой на чэмпіянат прастытутак
Жанчын лёгкіх паводзінаў прывезлі з сабой некалькі гульцоў зборнай Камеруна, а таксама іншыя чальцы дэлегацыі гэтай афрыканскай краіны.
Такое адбываецца не першы раз. Як сцвярджае камерунская прэса, гульцы часта бяруць з сабой на турніры прастытутак. Дзяўчаты нібыта дапамагаюць футбалістам лепш настройвацца на гульню. Акрамя таго, камерунцы дрэнна ведаюць замежныя мовы, а таму ім было б складана карыстацца паслугамі мясцовых жанчын, перадае "Прессбол" са спасылкай на замежныя крыніцы.
Зборная Камеруна пацярпела дзве паразы ў групавым раўндзе чэмпіянату свету, саступіўшы камандам Мексікі (0:1) і Харватыі (0:4). У заключным матчы групавога раўнда афрыканская каманда сустрэнецца з бразільцамі.
Фота — tvgeo.ru
