Вы тут

Футбаліст брэсцкага “Дынама” заплакаў на сваім развітальным матчы

Прессбол

Футбаліст брэсцкага “Дынама” Раман Васілюк заплакаў на сваім развітальным матчы. 7 верасня ён афіцыйна завяршыў кар’еру гульца, выйшаўшы на поле ў сустрэчы з польскай “Ягелоніяй”. Гаспадары поля мінімальна саступілі гасцям —  1:2.

Раман Васілюк не змог стрымаць сваіх эмоцыяў і пад канец гульні пусціў слязу.

Матч праводзілі ў дапамогу маленькаму футбалісту Мікіце Палуяну, які ў траўні гэтага года атрымаў траўму і пазбавіўся часткі левай нагі. Нягледзячы на гэта хлопчык працягвае гуляць у футбол і заўзее за любімую каманду.