Французскія камуністы мітынгуюць супраць палітыкі Аланда
Партыя “Левы фронт” 5 траўня ладзіць у Парыжы масавую акцыю пратэсту. Ім не падабаецца палітыка жорсткай эканоміі ў Еўропе.
Камуністы заклікаюць прэзідэнта Францыі Франсуа Аланда змяніць курс. Удзельнікі акцыі сабраліся на плошчы Бастылія, адкуль пасля мітынгу пройдуць шэсцем да плошчы Нацыі, інфармуе РИА Новости.
Сустаршыня “Левага фронту” Жан-Люк Меланшон мяркуе, што французскі прэзідэнт з’яўляецца адной з прычынаў крызісу ў Еўропе, бо ён абараняе інтарэсы акцыянераў і буйнога бізнэсу і падтрымлівае палітыку жорсткай эканоміі на шкоду працоўнаму класу.
Фота: AFP PHOTO/JEAN-FRANCOIS MONIER