Фотафакт: У Магілёве на афіцыйным Першамаі раздавалі расійскія трыкалоры
У Магілёве на афіцыйным першатравеньскім пікеце раздавалі расійскія трыкалоры. Нешматлюдная акцыя прайшла сёння на плошчы Леніна ля будынку аблвыканкама. Удзельнікі трымалі ў руках сцягі з сімволікаў афіцыйных прафсаюзаў і назвамі раёнаў горада.
Невядомая жанчына раздавала прысутным расійскія сцяжкі. Беларускіх дзяржаўных сцягоў на акцыі заўважана не было.
Удзельнікі ўсклалі кветкі да помніку Леніну.
