Фотафакт: у Магілёве агітуюць аддаваць дзяцей у беларускія класы
![Фотафакт: у Магілёве агітуюць аддаваць дзяцей у беларускія класы](/sites/default/files/styles/gallery_main/public/2023-08/2285df0a-dc63-41e7-9fa4-b181a11254c7_w987_r1_s.jpg.webp?itok=QBf7qBnN)
У Магілёве адчыняюцца два першыя класы з беларускай мовай навучання (у СШ № 1 у цэнтры горада і ў № 34 — у магілёўскім Задняпроўі). Таварыства беларускай мовы агітуе мясцовых жыхароў аддаваць туды дзяцей. У горадзе з'явіліся адпаведныя лістоўкі, інфармуе Радыё Свабода.
Абвесткі пра набор беларускамоўных першакласнікаў разава з'явіліся ў гарадскіх газетах і на інфармацыйных стэндах у фае школ ў чэрвені. На мясцовым тэлебачанні быў паказаны агітацыйны ролік. Актывісты ТБМ перакананыя, што гэтых захадаў не дастаткова, каб бацькі пачалі аддаваць дзяцей у беларускія класы. Таму і з'явіліся лістоўкі.
На сённяшні дзень у Магілёве існуе толькі адзін клас з беларускай мовай навучання. У ім вучыцца адна школьніца.