Форма, гімн, “урок з Лукашэнкам”: жахі адукацыі — стрым з Турарбекавай
Ідэалагізацыя, сек’юрытызацыя, мілітарызацыя і — аўтарытарызм з цэнтралізацыяй. Усё гэта — пра беларускую адукацыю. Дзе да ўсяго пералічанага сёлета дадаліся школьная форма (ізноў), спяванне гімна перад пачаткам урокаў і… урок з Лукашэнкам. Такое адчуванне, што пацыента з прозвішчам “Беларуская-Адукацыя” ўжо не ўратаваць…
Што адбываецца з беларускай адукацыяй і куды можа завесці шлях, на які яе паставілі? Ці застаюцца шанцы на ўратаванне і што для гэтага неабходна зрабіць? Ці здольны такі падыход да адукацыі вырасціць годных спецыялістаў і проста пісьменных грамадзян? На гэтыя ды іншыя пытанні адказвае дацэнтка, кандыдатка гістарычных навук, незалежная экспертка Роза Турарбекава.
