Еўрапарламент заклікаў неадкладна ўвесці новыя санкцыі супраць Расіі
Пад іх мусяць патрапіць расійскія энергакампаніі, якія працуюць на еўрапейскім рынку.
Таксама Еўрапраламент заклікаў улады ЕС спыніць будаўніцтва газаправода "Паўднёвая плынь" (ён мусіў забяспечыць пастаўкі расійскага газу ў Еўропу ў абыход Украіны) ды перагледзець і, магчыма, прыпыніць дзеянне ўсіх пагадненняў з Расіяй. За тэкст рэзалюцыі прагаласавалі 437 дэпутатаў, супраць выказаліся 49, а 85 — устрымаліся.
Еўрадэпутаты таксама падкрэслілі "тэрміновую неабходнасць агульнай палітыкі энергетычнай бяспекі... з мэтай скараціць залежнасць ЕС ад расійскіх нафты і газу, уключна з дыверсіфікацыяй энергапаставак, поўным прымяненнем трэцяга энергапакету і магчымасцю прыпыніць імпарт газу ў выпадку неабходнасці".
РІА "Новости" адзначае, што дакумент носіць рэкамендацыйны характар і не абавязковы для выканання.
Фота — AFP
