ЕС павінен кантактаваць з Расіяй па тэме Беларусі — кіраўнік МЗС Германіі
![Кіраўнік МЗС ФРГ Хайка Маас / Reuters](/sites/default/files/styles/gallery_main/public/2023-08/maas27_05.jpg.webp?itok=yUby0Oit)
Кіраўнік МЗС ФРГ Хайка Маас / Reuters
ЕС павінен кантактаваць з Расіяй па тэме Беларусі, заявіў міністр замежных спраў Германіі Хайка Маас перад пачаткам саміту кіраўнікоў МЗС ЕС. Сустрэча праходзіць у Лісабоне.
"Было б важна, вядома, і з Расіяй гаварыць па гэтай тэме", — цытуе Мааса агенцтва ТАСС.
Нямецкі міністр таксама не выключыў увядзення новых санкцый у дачыненні да Беларусі. Цяпер трэба будзе ацаніць, наколькі эфектыўныя ужо прынятыя меры. Калі яны не спрацуюць, "то трэба зыходзіць з таго, што гэта будзе толькі пачаткам вялікай і працяглай санкцыйнай спіралі", падкрэсліў Маас.
Раней у чацвер кіраўнік еўрапейскай дыпламатыі Жазэп Барэль заявіў, што на сустрэчы ў Лісабоне кіраўнікі МЗС краін ЕС плануюць абмеркаваць эканамічныя і сектаральныя санкцыі супраць Беларусі. Напярэдадні з'явілася неафіцыйная інфармацыя, што гаворка можа пайсці ў тым ліку пра забарону паставак прадукцыі "Беларуськалія" ў Еўропу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.