ЕС абвясціў конкурс стыпендый для беларускіх студэнтаў і абітурыентаў

Беларускіх студэнтаў запрашаюць на стыпендыі Еўрасаюза / pixabay.com
Беларускіх студэнтаў запрашаюць на стыпендыі Еўрасаюза / pixabay.com

Еўрасаюз абвясціў новую праграму стыпендый для беларускіх абітурыентаў і студэнтаў.  Конкурс заявак на стыпендыі EU4Belarus – SALT-2 (Support for Advanced Learning and Training) абвешчаны на 2023-2025 гады.
 
Мэтай праграмы называецца падтрымка беларускіх абітурыентаў і абітурыентак, студэнтаў і студэнтак, выкладчыкаў і выкладчыц, а таксама навукоўцаў, якія зазналі рэпрэсіі пасля падзеяў 2020 года альбо знаходзяцца пад пагрозай рэпрэсій.

Гэтая стыпендыя дае магчымасць падтрымкі для навучання ў еўрапейскім універсітэце.

Падаць заяўку на стыпендыю можна, калі вы вучыцеся ці плануеце паступаць на праграмы бакалаўрыяту або магістратуры ва ўніверсітэты Літвы, Латвіі, Чэхіі ці Польшчы.

Стыпендыя складае 450 еўра ў месяц. Тэрмін падтрымкі — два акадэмічныя гады.

Каб прыняць удзел у конкурсе, трэба не пазней за 12:00 30 чэрвеня запоўніць анкету і прыкласці неабходныя дакументы на сайце праграмы

Навучанне за мяжой становіцца ўсё больш прывабным для беларускіх студэнтаў. Сёлета на гэта паўплываў яшчэ і скандал з падлікам балаў на цэнтралізаваным экзамене. Многія абітурыенты палічылі, што атрымалі празмерна нізкія балы, не адэкватныя ўзроўню здадзеных тэстаў. Чыноўнікі Мінадукацыі заявілі, што падлік праведзены правільна і перападліку не будзе. Аднак пасля ўмяшання Лукашэнкі стварылі міжведамасную камісію, якая будзе правяраць вынікі ЦЭ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі