Ермакова: Нацбанк не адновіць валютнае крэдытаванне фізічных асобаў
На будаўніцтва жылля. Такім чынам, ініцыятыва прэм'ер-міністра Міхаіла Мясніковіча не была падтрыманая.
Пра гэта старшыня Нацбанку Надзея Ермакова паведаміла ў сераду на прэс-канферэнцыі ў Мінску. Яна адзначыла, што існуе тэарэтычная магчымасць вяртання да разгляду гэтага пытання праз 1-2 гады.
"Нам валюта патрэбная для іншых мэтаў", — цытуе словы старшыні Нацбанку "Интерфакс-Запад".
У той жа час Надзея Ермакова сцвярджае, што ў бліжэйшы час дзяржаўныя банкі прымуць рашэнне наконт зніжэння ставак па іпатэчных крэдытах для асобаў, зарэгістраваных у мясцовых органах улады ў якасці тых, хто мае патрэбу ў паляпшэнні жыллёвых умоваў.
Фота — bymedia.net
