Дзярждоўг Беларусі сёлета вырас на 3 трыльёны рублёў
Альбо на 2,3%. Ён складае 131,7 трыльёнаў рублёў.
Гэтую лічбу па стане на 1 красавіка называе Міністэрства фінансаў. Там адзначаюць, што павелічэнне дзяржаўнага доўгу ў першым квартале 2013 года абумоўлена ростам знешняга дзярждоўгу. На 1 красавіка ён склаў 12 млрд 200 млн долараў — з пачатку года павялічылася амаль на 150 мільёнаў долараў, паведамляе БЕЛТА.
