Дзе зламаў руку былы міністр эканомікі?
Да прызначэння намеснікам кіраўніка Адміністрацыі прэзідэнта Мікалай Снапкоў тыдзень не з'яўляўся на працы, быў на бальнічным.
Былы міністр эканомікі Мікалай Снапкоў з'явіўся на абмеркаванні кадравых пытанняў у кіраўніка дзяржавы з павязкай на левай руцэ і, верагодна, гіпсам. На гэтым жа пасяджэнні Снапкова прызначылі намеснікам кіраўніка адміністрацыі прэзідэнта.
"Мы не ведаем, дзе зламаў руку Мікалай Снапкоў, — кажуць Еўрарадыё супрацоўнікі міністэрства эканомікі. — Але яго тыдзень не было на працы. Быў на бальнічным".
Нагадаем, новым міністрам эканомікі прызначылі Уладзіміра Зіноўскага.
