Два беларускія рабочыя падарваліся на бензавозе ў Маскве
Мужчыны атрымалі цяжкія раненні ад выбуху цыстэрны бензавоза на поўдні расійскай сталіцы.
Здарэнне адбылося ўдзень 20 чэрвеня. Як паведамляе lifenews.ru са спасылкай на маскоўскіх праваахоўнікаў, прычынай здарэння стала парушэнне тэхнікі бяспекі пры працы са зварачным апаратам.
Рабочыя спрабавалі парамантаваць кузаў бензавоза. У выніку пары бензіну, якія заставаліся ў цыстэрне, здэтанавалі, і грымнуў выбух.
Абодва пацярпелыя ў цяжкім стане дастаўленыя ў бліжэйшую лякарню.
Фота — ural.polit.ru
