ДТЗ у Ружанах: з прычэпа на пешаходаў ўпалі бярвенні, загінула 6-месячнае дзіця
![ДТЗ у Ружанах: з прычэпа на пешаходаў ўпалі бярвенні, загінула 6-месячнае дзіця](/sites/default/files/styles/gallery_main/public/2023-08/ruzany.jpg.webp?itok=D5JJlVCR)
У Ружанах адбылося дарожнае здарэнне, ахвярамі якога сталі 6-месячнае дзіця і яго 44-гадовая бабуля. Як паведамляе прэс-служба Брэсцкай абласной ДАІ, аварыя здарылася сёння каля 12:20 на вуліцы Косаўскай.
Па праезнай частцы ехаў МАЗ з прычэпам, на якім пераводзілі лесаматэрыял. Насустрач яму, па краі праезнай часткі ішлі пешаходы — дзве жанчыны з дзіцячым вазком. Кіроўца машыны аб’язджаў пешаходаў і ў той момант з прычэпа паваліліся бярвенні, якія ўпалі на жанчын і дзіця.
Дзіця і яго бабуля загінулі на месцы. 25-гадовая маладая маці атрымала цяжкія траўмы і цяпер знаходзіцца ў лякарні. Здарэнне расследуюць.