Да 2025 года збяднеюць яшчэ 25 млн еўрапейцаў
Пра такую верагоднасць заявіла Міжнародная дабрачынная арганізацыя Oxfam.
Яна перасцерагае ўрады краін-сяброў ЕС ад працягу праграмы жорсткай эканоміі. Кіраўніца еўрапейскага аддзела арганізацыі Наталля Алонса назвала меры гэтай эканоміі "маральнай і эканамічнай лухтой". Паводле яе слоў, агрэсіўнае змяншэнне фінансавання сацыяльнай дапамогі, медыцыны, адукацыі, а таксама несправядлівая палітыка падаткаабкладання, могуць знішчыць усе вынікі дзесяцігоддзяў барацьбы за сацыяльныя правы.
ВВС нагадвае, што раней старшыня Еўракамісіі Жазэ Мануэл Барозу заклікаў краіны ЕС не спыняць рэформы пасля таго, як эканамічны рост адновіцца.
Фота з сацыяльных сетак.