ЦВК: У Беларусі за тры дні датэрмінова прагаласавалі амаль 19% выбарцаў

У Беларусі за тры дні датэрмінова прагаласавалі 18,73% выбарцаў. Пра гэта паведамляе Цэнтрвыбаркам. Лідарам з’яўляецца Магілёўская вобласць — 20%, у Мінску — 18,92%, у Мінскай вобласці — 19,56%, у Гродзенскай — 16,81%, у Гомельскай — 19,49%, у Брэсцкай — 16,27%, у Віцебскай вобласці — 19,67%. Учора датэрмінова прагаласавала і старшыня ЦВК Лідзія Ярмошына.

Як вядома, асноўны дзень галасавання на мясцовых выбарах — нядзеля, 18 лютага.