Чатыры чалавекі пры рамонце гатэля ў Брэсце зваліліся з другога паверху

Чатыры чалавекі пацярпелі пры няшчасным выпадку на рэканструкцыі гатэля ў Брэсце, інфармуе прэс-служба Следчага камітэта.

Інцыдэнт адбыўся 2 верасня. Тры будаўнікі і інжынер займаліся дэмантажом шклопакета шахты ліфта на ўзроўні другога паверха. У гэты час абваліліся будаўнічыя рыштаванні, і мужчыны зваліліся з вышыні каля чатырох метраў на тратуар. Пры гэтым яны атрымалі траўмы. Усіх іх шпіталізавалі.  

Следчыя выявілі, што мужчыны не былі прышпіленыя страхоўнымі тросамі, бо ў будаўнічых рыштаванняў ёсць барты для бяспекі.

Следчы камітэт праводзіць праверку па гэтым здарэнні. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.