Чаму ляпіць з суседзяў "вобраз ворага" — доля КНДР? Іх норавы
Кароткі агляд сусветных навін / калаж Улада Рубанава, Еўрарадыё
У адной краіне перабольшваюць знешнія пагрозы, каб людзі забыліся, што яны жывуць у галечы. Гэта не тое, пра што вы падумалі.
Штодзённымі аглядамі сусветных навін працягваем трымаць вас у курсе падзей у свеце.
Дык калі?
Ключавое пытанне саміту NATO у Вільні: калі да альянсу зможа далучыцца Украіна?
Узяць краіну ў NATO менавіта зараз нельга, бо тады NATO павінна будзе абвясціць вайну Расіі. І Кіеў згодны з тым, што не можа стаць сябрам альянсу проста цяпер. Але ў Вільні Уладзімір Зяленскі даў ясна зразумець: Украіна хоча ведаць, калі.
Тон Зяленскага, здаецца, раззлаваў некаторых еўрапейскіх чыноўнікаў. Напрыклад, міністр абароны Вялікабрытаніі сказаў, што, маўляў, Еўропа хацела б бачыць больш удзячнасці — яна ж спусташае свае склады са зброяй, каб дапамагаць Украіне. Міністра цытавала ВВС.
We had to layoff 90% of our support team because of this AI chatbot.
— Suumit Shah (@suumitshah) July 10, 2023
Tough? Yes. Necessary? Absolutely.
The results?
Time to first response went from 1m 44s to INSTANT!
Resolution time went from 2h 13m to 3m 12s
Customer support costs reduced by ~85%
Here's how's we did it 🧵
Твіт узрушыў сацсеткі. Многія карыстальнікі напісалі, што сваім рашэннем гендырэктар "зруйнаваў жыцці сваіх супрацоўнікаў".
У сакавіку інвестыцыйна-банкаўская кампанія Goldman Sachs апублікавала справаздачу, у якой гаворыцца, што ШІ можа адабраць у людзей 300 мільёнаў працоўных месцаў.
Мы спыталі ў штучнага інтэлекту — у сэнсе, у ChatGPT, — што трэба зрабіць, каб ён не адбіраў нашу працу.
— Я як штучны інтэлект не маю магчымасці забраць вашу працу. Мая мэта — дапамагаць вам з інфармацыяй і задачамі, а не замяшчаць вас.
Карацей, бойцеся не штучнага інтэлекту, а нядобрасумленных бізнесменаў.
