Бундэстаг прагаласаваў за пастаўкі цяжкіх узбраенняў Украіне
![Бундэстаг прагаласаваў за пастаўкі цяжкіх узбраенняў Украіне](/sites/default/files/styles/gallery_main/public/2023-08/bundestag-2804.jpg.webp?itok=L3K70rZE)
Бундэстаг прагаласаваў за тое, каб Германія паставіла цяжкія ўзбраенні Украіне. За гэта выказалася пераважная большасць дэпутатаў нямецкага парламента, паведамляюць нямецкія СМІ.
У прыватнасці, гаворка ідзе пра зенітную самаходную ўстаноўку "Гепард", якая можа паражаць паветраныя цэлі на вышыні да 3 км.
Раней Германія пастаўляла Украіне процітанкавую зброю, гранаты, беспілотнікі, сродкі абароны і боепрыпасы з прамысловых запасаў. Самым цяжкім узбраеннем дагэтуль былі 12 мінамётаў з далёкасцю стральбы 7 кіламетраў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.