Брытанец з радыеактыўным грузам ехаў з Беларусі ў Літву
![Брытанец ехаў з Беларусі ў Літву з радыеактыўным грузам](/sites/default/files/styles/gallery_main/public/2024-04/radyjacyja-1804-1.jpg.webp?itok=aeOtOC5V)
Брытанец ехаў з Беларусі ў Літву з радыеактыўным грузам / vsat.lrv.lt
17 красавіка літоўскія памежнікі не прапусцілі ў краіну грамадзяніна Вялікабрытаніі, які ехаў з Беларусі. Як паведамляе служба аховы дзяржмяжы, у прычэпе яго легкавога аўтамабіля знайшлі радыеактыўны груз.
Мужчына ехаў праз пункт Мядзінінкай на аўтамабілі Volkswagen з прычэпам. Акурат у прычэпе і выявілі крыніцу іянізуючага выпраменьвання.
Паведамляецца, што брытанец вёз там розныя часткі прылад, сярод якіх маглі быць авіядэталі. Праверка паказала ізатопы радыя і ірыдыя. Магутнасць выпраменьвання на паверхні грузу склала 2250 мікразівертаў у гадзіну.
У выніку брытанцу давялося вярнуцца ў Беларусь.
![Брытанец з радыеактыўным грузам ехаў з Беларусі ў Літву](/sites/default/files/styles/default_image_paragraph/public/paragraphs/image/radyjacyja-1804-2.jpg.webp?itok=gYYlzj0W)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.