Брыгадзіра сельгаспрадпрыемства вінавацяць у крадзяжы кароў на 160 тысяч рублёў

Скрыншот відэа з крадзенымі каровамі / МУС
Скрыншот відэа з крадзенымі каровамі / МУС

Міліцыя затрымала на дарозе "Бабруйск-Мазыр" машыну, у якой перавозілі шэсць бычкоў з ідэнтыфікацыйнымі біркамі. Высветлілася, што буйная рагатая жывёла належыць сельгаспрадпрыемству з Кіраўскага раёна.

Устаноўлена, што брыгадзір аб'екта аграпрамысловага комплексу разам з змоўшчыкамі на працягу некалькіх месяцаў выкрадаў жывёл. Патэнцыйныя пакупнікі прыязджалі па начах на ферму і забіралі жывёлу, за якую разлічваліся наяўнымі па заніжаным кошце. Толькі адзін 28-гадовы прадпрымальнік з Магілёва з верасня да лістапада купіў такім чынам 54 асобіны буйной рагатай жывёлы, — піша прэс-служба МУС.

У ходзе інвентарызацыі ў комплексе выяўлена нястача 79 галоў на агульную суму больш за 160 тысяч рублёў. Пракуратура Кіраўскага раёна ўзбудзіла крымінальную справу за крадзеж шляхам злоўжывання службовымі паўнамоцтвамі. Усе ўдзельнікі схемы затрыманыя.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі