Брастаўчанін ехаў з Польшчы на машыне з поўным бензабакам мяса
Памежнікі злавілі кантрабандыста, а машыну канфіскавалі да суда.
Жыхар Брэсцкага раёна, вяртаючыся з Польшчы, вырашыў зарабіць на нелегальным тавары. Мужчына праходзіў афармленне на ўезд ўвечары 28 лістапада ў пункце пропуску “Дамачава”. Пры праверцы яго аўтамабіля Audi памежны нарад сумесна з супрацоўнікамі мытні ў бензабаку аўтамабіля замест паліва знайшоў 52 кілаграмы мясных вырабаў.
У выніку кантрабандыст застаўся і без тавару, і без аўто коштам 35 млн рублёў. Машына арыштаваная да рашэння суда.